ازاي تخلي الباقة على الأيفون تقعد معاك فترة اطول

تقريباً مفيش اي حد معاه iPhone مش بيشتكي ان الباقة بتخلص بسرعة و مش بتعد معاه خالص ❌ و معظمنا يقول الشركة بتسرقنا و يروح يتخانق معاهم 🙈😂

بس عشان نبقي واضحين مع بعض فيه حاجات معينه لو معملتهاش ال iPhone بيسحب كتير من الباقة

و دي ⬇️ شوية حاجات لو عملتها هتحافظلك علي الباقة بتاعتك و هتطول معاك 👍

1- تلغي ان ال iCloud يعمل backup لل data عن طريق ال cellular data

Settings > iCloud > iCloud drive > Use Cellular Data > Off

2- تلغي ال downloads او updates للتطبيقات عن طريق ال Cellular data

Settings > iTunes & App Stores > Use Cellular Data > Off

3- فيه خاصية في ال iPhone اسمها Wi-Fi Assist
دي فايدتها انك لو بتستخدم Wi-Fi بس بطئ شوية بيبدأ يستخدم ال Cellular data و طبعاً ممكن تكون مش واخد بالك و يسحب كتير. فالافضل انك تلغيها

Settings > Cellular > Wi-Fi Assist > Off

4- فيه تطبيقات معينه او العاب بتسحب جامد من النت و انت ممكن تكون مش واخد بالك اصلا انها بتستخدم النت
عشان كده الافضل تلغي استخدام التطبيقات دي لل Cellular Data

Settings > Cellular > On

هتختار التطبيقات الي مش عايزها تسحب من ال Cellular Data و تعملها Off

5- فيه بعض التطبيقات لما بتحمل في الخلفية (وانت مش فاتحها) بتسحب كتير من النت. الافضل تلغي تحميل التطبيقات دي في الخلفية بس خد بالك ان مش هيجيلك منها notifications الا لما تفتحها. ف متعملش الخطوه دي لتطبيقات الشات او تطبيق زي الفيسبوك مثلا عشان ال notifications تفضل تظهرلك

Settings > General > Background App Refresh > On

واختار التطبيق الي حابب تقفله و اعمله Off

6- لو مش بتستخدم Apple Music الغي استخدام ال Music App لل Cellular Data

Settings > Music > Use Cellular Data > Off

7- تطبيق ال Facebook و Twitter فيهم خاصية تشغيل الفيديوهات تلقائياً وانت بتتصفح ال home او ال news feed و طبعاً ده من الحاجات الي بتسحب كتير جداً فالافضل تلغيها

Facebook: Settings > Account Settings > Videos & Photos > Never Autoplay Videos

Twitter: Settings > Data > Video Autoplay > Never play Videos Automatically

8- حاجة بديهية بس في ناس بتنساها.. لو مش بتستخدم ال Cellular Data متنساش تقفلها ☺️

Settings > Cellular > Cellular Data > Off

لو عملت كل الخطوات دي 👆 هتحس بفرق جامد فعلاً والباقة هتقعد معاك 👌

شير و فيد صاحبك الي معاه iPhone

**الحقوق الفكرية ملك ل iPhoneMasr **